Më 8 tetor UNUM Festival në Shëngjin është shpallur “Festivali më i Mirë Global për vitin 2025” nga The DJ Awards Ibiza, duke e renditur Shqipërinë përkrah emrave legjendarë si Burning Man, Tomorrowland dhe Sonus.
I themeluar në vitin 2019, UNUM ka transformuar bregdetin shqiptar në një destinacion ndërkombëtar të muzikës elektronike, duke tërhequr vizitorë nga mbi 60 vende. Edicioni i 2025 solli një lineup të jashtëzakonshëm me artistë si Black Coffee, Ricardo Villalobos, Seth Troxler, Dixon, Damian Lazarus, Raresh, Priku dhe të tjerë.
Ky çmim jo vetëm vlerëson festivalin, por vendos Shqipërinë si një destinacion të ri për turizmin kulturor dhe muzikor, duke treguar se vendi mund të konkurrojë në skenën globale të eventeve. Organizatorët paralajmërojnë edicionin 2026 me produksion dhe bashkëpunime edhe më të mëdha./Perspektiva/
