Të premten e 7 marsit, për nder të 8 Marsit – Ditës Ndërkombëtare të Gruas, Zyra për të Rinj në shenjë respekti dhe mirënjohjeje për gratë e Komunës së Bujanocit ka zbukuruar simbolin e komunës.
Kjo iniciativë vjen si një mënyrë simbolike për të shprehur falënderimin dhe vlerësimin për kontributin e pazëvendësueshëm të grave në familje, shoqëri dhe çdo fushë të jetës. Gratë janë shtylla kryesore e komunitetit tonë, duke dhënë dashuri, përkushtim dhe forcë në çdo sfidë të përditshme.
Me këtë gjest, Zyra për të Rinj përcjell mesazhin e barazisë, respektit dhe fuqizimit të grave, duke rikujtuar rëndësinë e mbështetjes dhe vlerësimit të tyre jo vetëm në këtë ditë të veçantë, por çdo ditë të vitit./Perspektiva/
