Shoqata Kulturore Shqiptare “Perspektiva” – Gazeta e përditshme dhe periodike “Perspektiva”, nga Bujanoci e mbështetur financiarisht nga Ministria e Informacionit dhe Telekomunikacionit e Republikës së Serbisë, këto ditë ka filluar realizimin e projektit me titull: “Forcimi i kulturës së dialogut publik”.
Programi “Forcimi i Kulturës së Dialogut Publik” synon të promovojë vlerat demokratike përmes një diskutimi të hapur, të arsyetuar dhe konstruktiv mbi çështjet kryesore sociale. Aktivitetet synojnë rritjen e ndërgjegjësimit, edukimin dhe forcimin e kapaciteteve të qytetarëve, institucioneve dhe medias në promovimin e dialogut publik.
Disa nga këto ngjarje kulturore: Diskutime dhe debate në panel, Punëtori dhe trajnime – Edukimi i gazetarëve, studentëve dhe përfaqësuesve të shoqërisë civile mbi teknikat e dialogut të arsyetuar, shkrim-leximin mediatik dhe luftën kundër dezinformimit, do të publikohen në numrin e ri të Gazetës Ditore “Perspektiva” e cila së shpejti del nga shtypi./Perspektiva/
