Këto ditë, shkrimtari i ri shqiptaro amerikanë shkodrani Alban Pepa, ka dalë para lexuesit amerikanë, në platformën bashkëkohore: Amazon, Barnes and Noble, Walmart etj., me librin e tij të parë, me titull: “La selva, një histori dashurie emigrantësh” (La SELVA, an emigrant love story, New York, 2024), në gjininë e novelës së shkurtër, të cilin e ka shkruar në gjuhën angleze.
Sikurse nënkuptohet nga titulli, novelisti i ri Pepa, ka shkruar për dashurinë, për episode e dashurisë me të gjitha ngjyrat e saj rinore me humbje dhe fitore, bashkëshortore, romantike mes nje çifti emigrantesh nga Amerika Latine, që nisin një aventurë plot dramacitet dhe me të papritura non stop, për të mbërritur në SHBA.
Fjala La selva, do të thotë xhungël në gjuhën spanjolle. Ajo ishte shtatzënë. Bukuroshja guatemalase Marie dhe burri i saj bashkatdhetar Carlos largohen përgjithmonë nga fshati i tyre i mjeruar, për të arritur ëndrrën amerikane dhe jetuar normalisht po së bashku në SHBA, sikurse mijëra të varfër të tjerë të Amerikës Latine.
Gjatë udhëtimit të tyre, ata kalojnë shumë peripeci dhe vështirësi, ku nga rrëfimi i shkrimtarit, fatkeqësisht mësojmë se asokohe burri i saj Carlos vritet nga mafia apo kartelet kriminelë të drogës meksikane, të cilët kontrollojnë hyrjet dhe daljet në kufirin amerikano-meksikanë.
Novela e re, është e mbështetur në një histori realiteti, që ngjasojnë sot fatkqësisht dhe realisht me qindra dhe mijëra raste të tilla mes emigrantëve ilegal sot në botë dhe në veçanti janë bërë sot si buka e përditshme në kufirin mes dy shteteve në Amerikën e Veriut./Koha jon/ Perspektiva/
