Në një postim të Skender Halimit, anëtar i Orkestrës “Presheva”, thuhet se më 20 tetor 2025, kjo orkstër shënon një moment të veçantë – 7 vite përkushtim, pasion dhe krijimtari kulturore.
Kur nisëm këtë rrugëtim, e dinim që sfidat nuk do të mungonin. Por përkushtimi ynë ndaj muzikës dhe kulturës shqiptare të Luginës së Preshevës na ka udhëhequr çdo hap të këtij rrugëtimi. Përmes tingujve, përpjekjeve dhe energjisë së palodhur, kemi ndërtuar një zë që rezonon jo vetëm brenda komunitetit tonë, por edhe jashtë tij.
Gjatë këtyre 7 viteve, orkestrat dhe aktivitetet tona kanë qenë pjesë e festivaleve dhe ngjarjeve të ndryshme, duke fituar respekt dhe vlerësime nga publiku dhe institucionet. Kjo rrugë ka qenë e mbushur me sfida, por edhe me momentet e bukura të suksesit, që na japin forcë për të parë përpara.
Sot, teksa festojmë këtë përvjetor, reflektojmë mbi rëndësinë e mbështetjes së qëndrueshme për kulturën. Punën tonë e kemi bërë me pasion dhe sakrificë, dhe besojmë se çdo komunitet dhe institucion duhet të ndihmojë që kjo energji të vazhdojë të lulëzojë.
Ky është një moment jo vetëm për festë, por edhe për të rikujtuar se kultura dhe muzika janë shtylla të identitetit tonë. Me shpresë dhe përkushtim, ne jemi gati të vazhdojmë rrugëtimin tonë, duke u bërë gjithmonë një zë më i fortë dhe më i përfaqësuar në skenën kulturore të Preshevës dhe më gjerë./Perspektiva/
