Në një mbrëmje të veçantë kulturore, gjatë 4 tetorit, autoreja Majlinda Shaqiri promovoi librin e saj të ri, duke sjellë për lexuesit një udhëtim të pasur me emocione, përjetime dhe reflektime mbi jetën e përditshme. Ngjarja u zhvillua në një atmosferë të ngrohtë, ku të ftuarit patën mundësinë të njiheshin me procesin krijues të autores dhe të diskutojnë mbi mesazhet që përçon vepra.
Libri i Majlinda Shaqirit fton lexuesit të reflektojnë mbi lidhjet njerëzore, sfidat e përditshme dhe pasionet që formësojnë historitë tona personale. Promovimi u shoqërua me diskutime, lexim të fragmenteve të veprës dhe mundësi për të marrë autografe nga autoreja.
Libri me titullin domethënës “Ju e dini emrin tim, por nuk më njihni mua”, është një shtesë e rëndësishme për letërsinë bashkëkohore shqiptare, duke ofruar një perspektivë të veçantë dhe emocionale për lexuesit e të gjitha moshave. Në këtë aktivitet morën pjesë artistë, personalitete të komunës, veprimtarë të Kuvendit Kombëtar, bashkqytetarë të saj nga Medvegja, nxënës shkollash, miq e të ftuar, redaktori i librit Dan Ibrahimi etj. /Perspektiva/
