Pas një pritjeje të gjatë gati katërvjeçare, ylli britanik Harry Styles rikthehet zyrtarisht me albumin e tij të katërt solo, “Kiss All the Time. Disco, Occasionally”, i cili do të publikohet më 6 mars. Njoftimi ka shkaktuar menjëherë një valë emocioni dhe entuziazmi në rrjetet sociale, ku fansat e tij nuk kanë mundur të fshehin gëzimin.
Albumi përmban 12 këngë dhe është prodhuar nga bashkëpunëtori i tij i hershëm, Kid Harpoon. Stili i tij i ri përqendrohet tek ritmet disco, energjia e pisteve të vallëzimit dhe një prekje retro plot stil, duke shënuar një fazë të re të rishpikjes artistike për këngëtarin.
Fansat janë të mahnitur jo vetëm nga muzika, por edhe nga krijimi vizual i albumit, përfshirë kopertinën ku Harry shfaqet me syze dielli duke kërcyer mbi një top disco që lëviz mbi qiell, duke i dhënë albumit një atmosferë lozonjare dhe flirtuese.
Pas viteve të heshtjes, kjo rikthim konsiderohet si “epoka më e guximshme” e Harry-t, dhe entuziazmi i ndjekësve është i jashtëzakonshëm. 6 marsi shënon datën kur fansat do të mund ta përjetojnë albumin dhe energjinë e re të këngëtarit, i cili duket se ka sjellë disco, shkëlqim dhe vetëbesim në skenën muzikore. /KultPlus.com/Perspektiva/
