Bullgaria ka hyrë në histori duke triumfuar për herë të parë në Eurovision Song Contest 2026, falë interpretimit mbresëlënës të këngëtares Dara me këngën ritmike “Bangaranga”. Artistja 27-vjeçare arriti të rrëmbejë zemrat e publikut dhe të bindë juritë profesionale, duke siguruar plot 516 pikë në natën finale të zhvilluar në Vienna.
Në garën e sivjetme, vendi i dytë i takoi Israel me artistin Noam Bettan dhe këngën “Michelle”, ndërsa Romania u rendit e treta përmes performancës së Alexandra Căpitănescu me “Choke Me”. Edhe pse emri i saj nuk figuronte mes favoritëve kryesorë para finales, Dara arriti të krijojë një atmosferë elektrizuese në skenë me koreografi dinamike dhe elemente të frymëzuara nga tradita folklorike bullgare e Kukeri-ve. Kombinimi i muzikës moderne me motive tradicionale rezultoi fitues dhe u prit me entuziazëm nga publiku evropian.
Pas shpalljes së rezultatit, këngëtarja u shpreh se “Bangaranga” bart një mesazh të fuqishëm emocional, duke folur për zgjedhjen e dashurisë përballë frikës dhe përballjen personale me ankthin dhe ADHD-në. Megjithatë, Eurovision 2026 solli një spektakël të madh artistik dhe shënoi jubileun e 70-vjetorit të festivalit, ku nuk munguan performancat speciale nga emra legjendarë
Organizatorët kanë bërë të ditur se edicioni i ardhshëm i Eurovision Song Contest 2027 do të zhvillohet në Sofia, pas triumfit historik të Bullgarisë./Perspektiva/
