Në Pallatin e Kulturës “Abdulla Krashnica”, në Preshevës, u organizua Festivali i 16-të, me radhë tradicional “Ditët e Komedisë Shqiptare – Presheva 2020”.
Festivali ishte i hapur nga 4 deri më 10 nëntor, duke u shfaqur para publikut teatrot nga Gjilani, Podujeva, Tirana, Gjakova dhe teatri i Preshevës, të cilën e organizon Shtëpia e Kulturës”Abdulla Krashnica” në Preshevë.
Organizatorët e festivalit shprehen se për shkak pandemisë janë tkurrur veprimtaritë kulturore e me këtë edhe pjesëmarrja e adhuruesve të komedisë, duke iu përmbajtur masave mbrojtëse ndaj virusit Covid 19.
Edicioni i 16-të i Festivalit “Ditët e Komedisë shqiptare” u përmbyll me ndarjen e çmimeve:
Shfaqja më e mirë: “Sot 8 ditë” Teatri “Metropol” Tiranë; Regjia më e mirë “Agron Boriçi” Elona Hyseni; Aktori më i mirë Gani Veseli; Aktorja më e mirë Valina Muçolli; Aktorja më e mirë jo protagoniste Egzona Salihu; Aktori më i mirë jo protagonist Margent Çaushi; Aktori më i mirë jo protagonist Erson Zymberi. /perspektivapress/
